COLISEUM seu COLOSSEUM

COLISEUM, seu COLOSSEUM

Amphitheatrum Titi Romae dicitur, de quo vaticinium Bedae in Excerptis seu Collectaneis eius tale exstat: Quamdiu stabit Colyseus, stabit et Roma: quando cadet Colyseus, cadet et Roma: quando cadet Roma, cadet et Mundus. Stetisse in hoc loco imaginem Romae, tenentis pomum aureum, et circa eam imagines provinciarum Romano Imperio subditarum; quotiesque provincia aliqua defectionem moliebatur, imaginem eius insurrexisse contra imaginem Romae eique dorsum obvertisse, nugatur Ugntio, apud Car. du Fresne in Glossar. Vide quoque ubi de Pyramidibus.